വിദ്യാർത്ഥി സംഘർഷം:7 പേരെ അറസ്റ്റ് ചെയ്തു

​മാനന്തവാടി: ദ്വാരക പോളിടെക്നിക്ക് കോളേജിൽ ജൂനിയർ വിദ്യാർത്ഥിയെ ക്രൂരമായി സംഘം ചേർന്ന് മർദ്ദിച്ച സംഭവത്തിൽ ഏഴ് സീനിയർ വിദ്യാർത്ഥികളെ മാനന്തവാടി പോലീസ് അറസ്റ്റ് ചെയ്തു. ഒന്നാം വർഷ വിദ്യാർത്ഥിയായ ഷെഫിനാണ് മർദ്ദനമേറ്റത്. പേരാമ്പ്ര
കടിയങ്ങാട്
ചങ്ങരോത്ത് എടക്കടികണ്ടി റഫാസ് ഇ.കെ (22), വടകര കൂറ്റമ്പൽ വെള്ളാറൊള്ളി അമൽ പ്രഭാകരൻ (22),
കണിയാമ്പറ്റ
​ചുണ്ടക്കര മാവുങ്കൽ അരുൺ എം എസ് (20), ബാലുശേരി കരുമല കരുമലക്കുന്നുമ്മേൽ സൂര്യദേവ് കെ.കെ (21), ​കൊയിലേരി വിളക്കത്തല വിനയ് ഗോപാൽ വി.വി (19), ഓർക്കാട്ടേരി
​വെള്ളിക്കുളങ്ങര മടപ്പറമ്പത്ത് ശിവ് ഖേര എസ് (23),
ആലുവ
​ കീഴ്മാട് പുല്ലാട്ട് ഞാലിൽ ആസിഫ് പി ഹസ്സൻ (20) എന്നിവരാണ് അറസ്റ്റിലായത്.
ചൊവ്വാഴ്ച വൈകിട്ട് 4.30-ഓടെയായിരുന്നു സംഭവം. സീനിയർ വിദ്യാർത്ഥികൾ സംഘം ചേർന്ന് ഷെഫിനെ മർദ്ദിക്കുകയായിരുന്നു. സംഭവമറിഞ്ഞ് ഉടൻ തന്നെ സ്ഥലത്തെത്തിയ മാനന്തവാടി പോലീസ് ഇടപെട്ടാണ് കൂടുതൽ സംഘർഷസാധ്യത ഒഴിവാക്കിയത്. സംഭവത്തിൽ ഉൾപ്പെട്ട പത്തോളം സീനിയർ വിദ്യാർത്ഥികൾക്കെതിരെയാണ് പോലീസ് കേസെടുത്തത്.